Pokharapatra National Daily

महिला हिंसा विरुद्ध सबै लडौं

‘सभ्य समाजको पहिचान, लैंगिक हिंसा विरुद्धको अभियान’ भन्ने नाराका साथ १६ दिने अभियान चलिरहेको छ।समाजमा लैंगिक विभेद रहेसम्म महिला हिंसा कम हुँदैन समाजमा रहेको विभेद हटाउन संचार माध्यम र संचारकर्मीको भुमिका महत्वपूर्ण रहन्छ । पत्रकारितामा महिलाको सहभागिता बढ्न थालेपछि महिलाका मुद्दाहरू संचार माध्यममा आउन थालेका छन । महिलाका समस्या महिलाले उठाउनुपर्छ भन्ने मानसिकता छ।संचार माध्यममा महिलाका मुद्दा उठाउन र समाजलाई घच्घच्याउन पत्रकारितामा महिलाको सहभागिता बढाउन थालिएको छ ।
नेपाली पत्रकारिता क्षेत्रमा महिला सहभागिता विगत केही समययतादेखि क्रमिक रूपमा वृद्धि हुँदै आए पनि उल्लेखनीय अवस्था छैन । महिला जनसंख्याको दाँजोमा पत्रकारितामा उनीहरूको सहभागिता अझै छैन । महिला पत्रकार अनलाइन हिंसामा परेको एक सर्भेक्षणले देखाएको छ । ८८ प्रतिशत महिला संचारकर्मी अनलाइन हिंसामा परेको सर्भेक्षणले ौल्याएको छ।यस सर्वेक्षणबाट जे जसरी तथ्याङ्क सार्वजनिक भएको छ, यसका आधारमा पत्रकारिता सहज छैन भन्ने देखाउँछ । पत्रकारिता पेसामा महिला सहभागितामा वृद्धि गर्न र महिलाका निम्ति सुरक्षित एवं मर्यादित छ भन्ने सन्देश दिनसक्नुपर्छ ।
सुरक्षित तथा मर्यादित पेसाका रूपमा पत्रकारिता क्षेत्रलाई प्रमाणित गर्न महिला पत्रकारमाथि हुने कुनै पनि किसिमका हिंसा रोकिनुपर्छ । महिला कार्यरत सञ्चारमाध्यम तथा सहकर्मीहरूको सल्लाह एवं सहयोग निकै प्रभावकारी हुन्छ । महिला पत्रकारले पनि कुनै पनि किसिमको हिंसाको प्रतिकार सुरुमै आफैँले पनि गर्नुपर्छ। महिलाले प्रतिकार गर्न के कस्ता कठिनाइ छन् भन्ने विषय बाहिर ल्याई समाधानको उपाय पहिल्याउनु पर्छ । अनलाइन हिंसाका कारण महिला पत्रकारको पनि कार्यशैली, गुणस्तर तथा व्यावसायिकता प्रभावित भइरहेको हुन्छ र त्यसको प्रत्यक्ष असर उनीहरूको पेसाप्रति परिरहेको हुन्छ । घरपरिवारलगायत अन्य तरहका दैनिक व्यवहार सम्हाल्नुपर्ने महिलाका निम्ति यस्तो स्थिति सिर्जना हुनु आफँैमा कठिन अवस्था मान्न सकिन्छ ।
महिला पत्रकारिमाथि भइरहेको यस प्रकारको हिंसा नियन्त्रण तथा निर्मूलै गर्नुपर्ने आजको आवश्यकता हो । यसका निम्ति सरकारले आवश्यक नियम, कानुन संशोधन, निर्माण, तर्जुमा तथा कार्यान्वयनका दिशामा तत्कालै पहल गर्नु उपयुक्त हुन्छ । महिला पत्रकारका निम्ति सहज तथा सुरक्षित कार्यस्थल निर्माणमा महिला कार्यरत सञ्चार माध्यम तथा सहकर्मीहरूको भूमिका पनि त्यत्तिकै महत्वपूर्ण हुने देखिन्छ । महिला पुरुष सबैका निम्ति सुरक्षित तथा सहज वातावरण निर्माणबाटै समग्रमा सञ्चार जगत्को भलाइ हुन्छ । महिला पत्रकारलाई आवश्यक प्रशिक्षणसमेत जरुरी छ । पत्रकारिताको पेसागत प्रशिक्षणका साथै सुरक्षाका उपायहरूप्रति सार्वजनिक बहस जरुरी छ । नीगित, संस्थागत र संरचनागत सुधारबिना कुनै समाजले चाहेको परिवर्तन गर्न सक्दैन । पत्रकारिताका साथै सबै पेसा र व्यवसायका महिलाका निम्ति सुरक्षित कार्यस्थल अनिवार्य सर्त भएकोले पनि सुधार आवश्यक छ ।

प्रतिकृया दिनुहोस्

शहिदप्रति श्रद्धा सुमन

हुकुमी राणा शासनको विरुद्धमा काम गरेको र जनतालाई प्रजातन्त्रका लागि उक्साएको आरोपमा १९९७ साल माघ १५ गते दशरथ चन्द र गङ्गालाल श्रेष्ठलाई विष्णुमती नदी किनार...

प्रेमको आत्मदाह न्यायको खोजी

ईलामका प्रेमप्रसाद आचार्यले संसद भवन अगाडि आत्मदाह गरेपछि उनको पक्षमा न्याय खोजी भएको छ । प्रेमप्रसादले आत्मदाहपूर्व फेसबुकमा हालेको ‘बकपत्र’ ले यतिवेला सम्पूर्ण देशवासीलाई भावविह्वल...

असुरक्षित हवाई सेवा

हवाई सेवाको साढे ६ दशक लामो अबधिमा आइतबार पोखरामा भएको यति एयरलाइन्सको विमान दुर्घटनाले हवाई सुरक्षामाथि ठूलो प्रश्न उठेको छ । पोखरा विमान दुर्घटना नेपाली...

हाम्रो अविचलित यात्रा

नेपालमा पत्रपत्रिका प्रकाशित भएको इतिहास लामो छैन । पोखरामा पत्रपत्रिका प्रकाशन अन्य शहरको दाँजोमा ढिलो भएको पाइन्छ । पोखरामा २००७ सालको आन्दोलन पछि मात्र पत्रिका...

प्रचण्डलाई अभूतपूर्व समर्थन

प्रधानमन्त्री पुष्पकमल दाहाल ‘प्रचण्ड’ले प्रतिनिधि सभामा प्रचण्ड समर्थनसाथ विश्वासको मत प्राप्त गरेका छन । प्रतिनिधि सभाका २७५ सदस्य मध्ये प्रधानमन्त्री ‘प्रचण्ड’ले २६८ मत पाउन सफल...

गण्डकीमा मुख्यमन्त्री अधिकारी

गण्डकी प्रदेशमा नेकपा एमाले स्थायी कमिटी सदस्य खगराज अधिकारी मुख्यमन्त्री बनेका छन । गण्डकी प्रदेशमा पृथ्वीसुब्बा गुरुङ र कृष्ण चन्द्र नेपाली पोख्रेल पछि मुख्यमन्त्री बन्ने...