नेपाली हिन्दुहरुको महान चाड वडा दशैंले सबै नेपालहरुलाई छोइसकेको छ । आश्विन शुक्ल प्रतिपदाको दिनदेखि नौ दिनसम्म शक्तिपिठहरुमा दुर्गा भगवतीको पूजा आरधना गरिन्छ । दशैंलाई असत्यमाथि सत्यको जित भएको हुँदा त्यसलाई विजया दशमीको रुपमा मनाउने गरिन्छ । प्रतिपदाको दिन घटस्थापनामा रोपेको जमरा दशमीको दिन प्रसादको रुपमा लगाउने गरिन्छ । मानव जीवनमा शक्तिको आवश्यकता पर्ने हुँदा दुर्गा भवानीबाट शक्ति प्राप्त होस् भनि उपाशना गरिन्छ । दुर्गा भवानीलाई शक्ति प्राप्त गरेपछि असत्यमाथि सत्यको जितको रुपमा लिइने गरिएको छ । बडादशैं हिन्दुहरुको चाड भनिए पनि यो राष्ट्रिय चाडको रुपमा रहँदै आएको छ । दशैंलाई धार्मिक आध्यात्मिक र सांस्कृतिक चाँडको रुपमा विभिन्न कोणबाट लिने गरिएको छ । दशैलाई धार्मिक मात्र नभई सांस्कृतिक आध्यात्मिक रुपमा पनि लिन थालेका छन् । दसैँ धार्मिक भन्दा पनि नेपालीको मौलिक पहिचानसहितको सांस्कृतिक पर्व हो । संसारभर नेपाली जाति जहाँ पुगे पनि दसैँ आफ्नै शैलीमा मनाउँछन् । दशै पारिवारिक पुनर्मिलन र स्नेह तथा सद्भावको पर्व हो । वर्षभर घरबाहिर भएकाहरू पनि आआफ्ना परिवारसँगै मनाउने गर्दछन ।
दशैंको मुखमा भदौ २३ र २४ गते जेनजी विद्रोह र विध्वंसले गर्दा ७४ जनाको ज्यान गएको छ।करिब तीन हजार घाइते भएका । खरवौंको सार्वजनिक र निजी सम्पत्ति जलेर खरानी भएको छ । सत्ता पलट भएको छ । जनप्रतिनिधिको थलो प्रतिनिधि सभा भंग गरिएको छ । फागुन २१ गते प्रतिनिधिसभाको निर्वाचन गराउन सर्वोच्च अदालतका पुर्व प्रधानन्यायाधीशलाई अन्तरिम सरकारको बनाईएको छ । अशान्ति र भ्रष्टाचार नियन्त्रण को माग अरुले हाइज्याक गरि दिएको छ । पवित्र भावनाले गरेको आन्दोलन अरुले हाइज्याक गर्दा नेपालीको मानसपटलमा विध्वंस र भय नाचिरहेको छ। दशैको मुखमा पहिरोले गर्दा राजमार्गमा यात्रु अलपत्र परे।घर जान हिडेका २÷३ दिन अलपत्र परे।वर्षा र सडक,पुल भत्किएको छ।खेतीयोग्य जमिन बगरमा परिणत भएको छ । हजारौं घरवारविहीन भएका छन । जलविद्युत

आयोजनामा क्षति पुगेको छ।सहजरूपमा यातायातका साधन चल्ननसके प्रण।अर्कोतिर दशैंमा बजार अनुगमन नहुँदा अस्वाभविक मूल्य बृद्धि, अखाद्य बस्तु बिक्री गर्ने र जोखिमपूर्ण सवारीसाधन चढेर यात्रा गर्नुपर्ने बाध्यता रहेको छ । सरकारले व्यापारीहरुलाई अनुकुल हुने गरी अनुगमन गरेपनि झारा गर्ने
गरेको छ ।
जनताको जीवन स्तर खस्किदै गएको बेला कसरी राहत र सेवा सुविधा उपलब्ध गराउने कहि सरकारमा रहेका र रहीसकेका दलहरु कमाउ धन्दामा लागेका छन।काम गर्नेहरुले गाँस काटेर राखेको बचत रकम सहकारी ठगहरुले लुटेका छन । नेपाली उखान जो चोर उसैको ठूलो स्वर भने जस्तै ठगहरुले जनतालाई भ्रमित पार्ने काम गरेका छन । रोजीरोटीका लागि तीन वटै तहका सरकारले जनताका आकांक्षा पुरा गर्न सकेका छैनन् । सरकारमा रहँदा गरेका बाचा कार्यान्वयनमा नआउदाँसम्म जनताले विश्वास गर्ने आधार बन्दैन । देशलाई राजनीतिक स्थीरता दिन दुई ठूला दल मिलेर सरकार बनाउँदा पनि अस्थिरतालको बादल मडारिनु विडम्बना हो।जनताको स्वास्थ्य, आर्थिक सम्बृद्धि र देशको स्वाधीनता कायम राख्न राजनीतिक दलबीचमा सहमति हुनुपर्ने हो।राजनीतिक दलहरूबीच बढ्दो तिक्तता हटाई नेपाली एकजुट भएर राष्ट्रियताको रक्षा गर्न र अहिले देखिएका चुनौती सामना गर्न दुर्गा भवानीले सबैलाई शक्ति प्रदान गरुन भनी देशविदेशमा रहनु भएका सबै नेपालीहरुलाई हार्दिक मंगलमय शुभकामना टक्राउछौं ।