सत्ता गठबन्धनमा रहेको दलले चुनावमा पनि गठबन्धन गरोस् भन्ने चाहना हुनु स्वभाविक हो । काङ्ग्रेस नेतृत्वको सरकारमा सहभागी भएको जनता समाजवादी पार्टी जसपा एमालेसंग तालमेल गरेको छ । काङ्ग्रेस र माओवादी केन्द्र, एकीकृत समाजवादीले जसपालाई सिट संख्यामा पेलेपछि एमालेसंग तालमेल गरेको छ । सरकारमा रहेको दलले प्रतिपक्षी दलसँग गठबन्धन गरेको निहुँमा प्रधानमन्त्री शेरबहादुर देउवाले जसपा मन्त्रीहरुलाई हटाएका छन् । गठबन्धनबाट बाहिरिएर पनि सरकार नछाडेपछि देउवा जसपाका मन्त्रीहरुलाई हटाएर कडा जवाफ दिएका छन ।
देउवाले जसपाका संघीय मामिला तथा सामान्य प्रशासनमन्त्री राजेन्द्र श्रेष्ठ, भौतिक पूर्वाधारमन्त्री मोहम्मद इस्तियाक राई, वन तथा वातावरणमन्त्री प्रदीप यादव र कृषि तथा पशुपक्षी मन्त्री मृगेन्द्रकुमार सिंहलाई हटाएर उनीहरुको मन्त्रायको जिम्मेवारी पनि आफैंले राखेका छन् । यस्तै, कानुनमन्त्री गोविन्दप्रसाद शर्मा (कोइराला)को पदावधी सकिएकाले उक्त मन्त्रालयको जिम्मेवारी सञ्चारमन्त्री ज्ञानेन्द्रबहादुर कार्कीलाई सुम्पिएका छन् । २०७४ सालको निर्वाचनमा काङ्ग्रेस सभापति शेर बहादुर देउवाले सत्ता गठबन्धनमा रहेका माओवादी केन्द्रका मन्त्रीलाई विनाविभागीय बनाएका थिए ।
सरकारमा रहेको माओवादी केन्द्रले विपक्षी एमालेसंग गठबन्धन गरेको थियो । अहिले पनि जसपा सरकारमा रहेको र विपक्षी एमालेसंग चुनावी तालमेल गर्दा मन्त्री हटाउने काम दोहोरो मापदण्ड हो । हिजो नै हटाउने तयारी गरेका देउवाले राष्ट्रपति कार्यालयसंगको परामर्शपछि बर्खास्त गरेका छन । राष्ट्रपति निवासका सहप्रवक्ता केशव प्रसाद घिमिरेद्वारा जारी विज्ञप्तिमा प्रधानमन्त्री देउवाको सिफारिसमा राष्ट्रपति विद्यादेवी भण्डारीले उनीहरुलाई पदमुक्त गरेकी हुन् । सत्तारुढ गठबन्धन छोडेर नेकपा एमालेसँग चुनावी तालमेल गरेपछि प्रधानमन्त्री देउवा रुष्ट बनेका हुन कि कसैको दबाब अनुरुप चलेका हुन भन्ने प्रश्न खडा भएको छ ।
संघ सरकारले जनता समाजवादी पार्टी (जसपा)का चार मन्त्रीलाई हटाएपछि मधेस सरकारबाट पनि नेपाली काँग्रेस, नेकपा माओवादी केन्द्र र नेकपा एसका मन्त्रीहरुलाई हटाउने तयारी गरिएको छ । मधेस प्रदेश सरकारको नेतृत्व जसपाले गरिरहेको छ । सत्ता गठबन्धनबाट हटेकै निहुँमा आफ्ना मन्त्रीलाई हटाएकाले मधेसमा त्यसको बदला लिने वातावरण बन्दैछ । मुख्यमन्त्री लालबाबु राउतले प्रदेश सरकारबाट काँग्रेस, माओवादी र नेकपा एसका मन्त्रीहरुलाई हटाउन छलफल थालेका छन । कांग्रेस, माओवादी र नेकपा एसका मन्त्रीहरु नैतिकताका आधारमा राजीनामा दिउन भन्ने छ । प्रतिशोधको राजनीति लिएर देउवाले दलहरूबीच दुरी बढाउने काम गरेका छन ।
प्रतिशोधको राजनीति
प्रतिकृया दिनुहोस्
