निर्वाचन सकिएको लगत्तै सरकारले पेट्रोलियम पदार्थको मुल्य बढाएको गठबन्धन सरकारले यातायातको भाउ बढाएको छ।यातायातको भाउ बढाउनु जनतालाई थप महंगी बढाउनु हो । पेट्रोलियम पदार्थको मुल्य बढाएर जनताको ढाड सेकेको सरकारले यातायातको भाउ बढाएर उठ्नै नसक्ने बनाउन खोजेको छ । चुनावमा ब्यापारी, दलाल र विचौलीयासंग लिएको पैसाको तिर्न ग्यासको भाउ एकैचोटि दुई सय बढाएको छ।यातायातको भाउ बढाउन पनि उपभोक्तासंग कुनै छलफल गरेको छैन । यो सरकारको स्वेच्छाचारी र जनतामारा काम हो । चुनाव अघि काला ब्यापारी, दलाल र विचौलीयाबाट उठाएर गरेको खर्च निकाल्न मूल्य बढाउने निर्णय हो । निर्वाचन पछि मुल्य बढ्ने गर्दछ भन्ने आरोप सहि सावित भएको छ । काङ्ग्रेस जनता भन्दा ब्यापारी र दलाल पुँजीपतिको लागि वानअं निर्वाचनलाई, विचौसबैको ध्यान निर्वाचनमा गएको मौका छोपेर मुल्य बढाउने गर्दछन । राजनीतिक दल र उमेदवारले ब्यापारी, उद्योगीसंग चन्दा उठाउने र चन्दा दिने हुँदा मूल्यडडाल्नु बढाउने गर्दछन । त्यस्तो मुल्यबृद्धी कृतिम हुनेगर्छ ।
गठबन्धन सरकार बनेपछि हरेक क्षेत्रमा मुल्य बढेको छ । नेपालमा मूल्यवृद्धि निरन्तर उकालो लागेको छ । नेपाल राष्ट्र बैंकका अनुसार ध चैत महिनामा वार्षिक बिन्दुगत उपभोक्ता मुद्रास्फीति ७.२८ प्रतिशत रहेको छ । अघिल्लो वर्षको सोही महिनामा यस्तो मुद्रास्फीति ३.१० प्रतिशत रहेको थियो । चैत महिनामा खाद्य तथा पेय पदार्थ समूहको मुद्रास्फीति ७.४० प्रतिशत र गैर–खाद्य तथा सेवा समूहको मुद्रास्फीति ७.१८ प्रतिशत रहेको छ । चैत महिनामा औसत मुद्रास्फीति ५.६२ प्रतिशत रहेको राष्ट्र बैंकले जनाएको छ । २०७७ चैत महिनाको तुलनामा २०७८ चैत महिनामा खाद्य तथा पेय पदार्थ समूह अन्तर्गत घ्यू तथा तेल, दुग्ध पदार्थ तथा अण्डा, दाल तथा गेडागुडी र सुर्तीजन्य पदार्थ उपसमूहको मूल्यवृद्धि क्रमशः २८.३६ प्रतिशत, ११.५६ प्रतिशत, १०.५३ प्रतिशत र ८.९१ प्रतिशत रहेको छ । सरकारले बजार अनुगमन नगर्दा निरन्तर मुल्य बढेको छ । तेल र ध्युको मुल्य अस्वभाविक रुपमा बढाइएको छ ।
गैर–खाद्य तथा सेवा समूह अन्तर्गत यातायात, शिक्षा र विविध वस्तु तथा सेवा उपसमूहको मुद्रास्फीति क्रमशः २०.१६ प्रतिशत, ८.७९ प्रतिशत र ८.१७ प्रतिशत रहेको छ । चैत महिनामा काठमाडौं उपत्यकामा ६.२५ प्रतिशत, तराईमा ७.६१ प्रतिशत, पहाडमा ७.७९ प्रतिशत र हिमालमा ८.२५ प्रतिशत मुद्रास्फीति रहेको छ । २०७७ चैतमा यी क्षेत्रहरुमा क्रमशः ३.२४ प्रतिशत, २.९२ प्रतिशत, ३.३८ प्रतिशत र १.५४ प्रतिशत मुद्रास्फीति रहेको थियो । २०७८ चैत महिनामा वार्षिक बिन्दुगत थोक मुद्रास्फीति १४.४२ प्रतिशत रहेको छ । अघिल्लो वर्षको सोही महिनामा यस्तो मुद्रास्फीति ६.१४ प्रतिशत रहेको थियो ।
चैत महिनामा उपभोग्य वस्तु, मध्यवर्ती वस्तु र पुँजीगत वस्तुको थोक मूल्यवृद्धि क्रमशः १७.०७ प्रतिशत, १४.१३ प्रतिशत र ७.२२ प्रतिशत रहेको छ । सोही महिनामा निर्माण सामग्रीको थोक मूल्यवृद्धि २५.२२ प्रतिशत रहेको छ । सरकारको आर्थिक अनुशासनहिनता र बजार अनुगमन हुन छाडेको छ।सरकार जनताप्रति उत्तरदायी नभएकोले यस्तो अवस्था सृजना भएको हो ।गठबन्धन सरकार कायमै रहने र दलाल र विचौलीया हावी भइरहे मुल्यबृद्धी अझै बढ्नेछ ।सरकारको निति तथा कार्यक्रम भन्दा जनतालाई थोपरिएको मूल्य वृद्धि विरुद्ध सदनमा छलफल र सडकमा आन्दोलन जरुरी छ ।