प्रधानमन्त्री शेरबहादुर देउवा सत्तारुढ कांग्रेसको सभापतिमा पुनः निर्वाचित भएका छन् । १४औँ महाधिवेशनअन्तर्गत मंगलबार भएको दोस्रो चरणको मतदानमा २७ सय ३३ मत प्राप्त गर्दै उनी सभापतिमा दोहोरिएका छन । पहिलो चरणको मतदानमा कसैको पनि बहुमत नआएपछि दोस्रो चरणमा देउवालाई हटाउनुपर्छ भन्नेहरूले समर्थन गरेर जितलाई सजिलो बनाउने काम गरे । काङ्ग्रेसमा नेतृत्व परिवर्तनको चाहना राख्ने नयाँ पिढीलाई खल्लो बनाइदिएको छ । देउवाले कुल खसेको मतको ५९.१२ प्रतिशत मत पाउँदा उनका प्रतिद्वन्द्वी डा. शेखर कोइरालाले १८ सय ५५ अर्थात् ४०.१३ प्रतिशत मत पाए । कुल खसेको ४६ सय २३ मतमध्ये ३५ मत बदर भएको निर्वाचन समितिले जनाएको छ । काङ्ग्रेसमा ६०% र ४०% को अवस्था कायमै रहेको छ। काङ्ग्रेसमा कोइराला परिवारसँग जुधेर देउवा शक्तिशाली बने ।
०७२ मा भएको १३औँ महाधिवेशनबाट देउवा पहिलोपटक सभापति निर्वाचित भएका थिए । पार्टीभित्र लामो अन्तर्संघर्ष गर्दै उनी नेतृत्वमा पुगेका हुन । ०६७ मा काठमाडौंमा भएको १२औँ महाधिवेशनमा सुशील कोइरालासँग ३३५ मतले पराजित भएका देउवा ०५७ मा पोखरामा सम्पन्न नवाँ महाधिवेशनमा गिरिजाप्रसाद कोइरालासँग पराजित भएका थिए । ०७० माघमा भएको संसदीय दलको नेताको चुनावमा पनि उनी सुशीलसँग पराजित भएका थिए । चर्को अन्तर्संघर्षकै कारण कारबाहीमा परेपछि देउवाले आफ्नै नेतृत्वमा ०५९ असारमा नेपाली कांग्रेस (प्रजातान्त्रिक) गठन गरेका थिए । ०६४ सम्म उनले त्यसको नेतृत्व गरे । अहिले उनी पाँचौँपटक प्रधानमन्त्री छन् । पार्टी
विभाजन गरेर फेरि त्यही पार्टीमा आएर दुई पटक सभापति र दुई पटक प्रधानमन्त्री बन्ने मौका पाउने भाग्यमानी बनेका छन ।
पहिलो चरणमा प्रतिस्पर्धामा उत्रिएका पाँच उम्मेद्वारमध्ये कसैले पनि ५० प्रतिशत कटाउन नसकेपछि धेरै मत ल्याउने दुई उम्मेदवार देउवा र कोइरालाबीच दोस्रो चरणको निर्वाचन भएको थियो । कुल चार हजार सात सय ४३ मतदातामध्ये पहिलो चरणमा चार हजार ६ सय ७९ मत खसेका थिए, जसमा देउवाले दुई हजार दुई ५८ अर्थात ४८.२५ प्रतिशत मत पाएका थिए । जितका लागि उनलाई ८२ मत अपुग भएको थियो । दोस्रो चरणमा देउवाले नौ सय सात मतान्तरले जित निकालेका छन् । चुनावी रणनीति बनाउन माहिर देउवाले कट्टर आलोचकलाई पनि रातारात समर्थक बनाएर सबैलाई चित खुवाएका छन।विपक्षी र मिडियाको सहानुभूति नपाएका देउवाले सत्ता र शक्तिको आडमा पासा पल्टाउन सकिन्छ भन्ने सन्देश दिएका छन।जुन लोकतन्त्रका लागि घातक हो ।
पहिलो चरणमा सभापतिका अन्य प्रत्याशी प्रकाशमान सिंहले तीन सय ७१, विमलेन्द्र निधिले दुई सय ५० र कल्याण गुरुङले २२ मत पाएका थिए । पहिलो चरणको निर्वाचनमै झन्डै जितनजिक पुगेपछि देउवामा दोस्रो चरणमा इतरपक्ष मिलेको भए पराजित हुनुपथ्र्यो । त्यसैअनुसार उनले दोस्रो चरणको निर्वाचनको तयारी र संवाद अगाडि बढाए । आफूले हारे गठबन्धन सरकार जोखिममा पर्छ र त्यसो हुँदा कांग्रेस नेतृत्वमा चुनाव हुँदैन भन्ने देउवाको चेतावनी अर्थपूर्ण रह्यो । केन्द्रीय सदस्यमा मनोनीतदेखि आगामी चुनावमा टिकट वितरणसम्ममा सबै भागबन्डा र अन्यत्र लेनदेनका कारण सहज बनाउने बाटो निधि र सिंहले रोजे । अहिले समीकरण बने पनि सिटौलासँगको शक्तिसन्तुलन मिलाइराख्न देउवाले उनीहरू दुवैका प्रस्ताव स्विकारे । त्यस्तै, वरिष्ठ नेता रामचन्द्र पौडेल र महामन्त्री शशांक कोइराला तटस्थ बस्दा पनि देउवालाई सहज वातावारण बन्यो । पहिलो चरणमा सिंह, निधि र गुरुङले कांग्रेसमा नेतृत्व परिवर्तनको मुद्दा उठाएका थिए । त्यति मात्र होइन निधि र सिंहले त दोस्रो चरणमा धेरै मत ल्याउने इतर समूहका प्रत्यशीलाई समर्थन गर्ने घोषणासमेत गरेका थिए ।
कोइरालाको पक्षमा खुल्न चियापानमा पौडेलमाथि दबाब, तर मौन बसेर मतदान पनि बहिष्कार गरे दोस्रो चरणको
मतदानअघि सभापतिका दुवै प्रत्याशी देउवा र कोइरालालाई वरिष्ठ नेता रामचन्द्र पौडेलसँग मञ्च सेयर गर्ने अवसर मिल्यो । रामचन्द्र पौडेलजस्तै डा. शशांक कोइराला पनि कुनै उम्मेदवारतिर खुलेनन् । विचार समुहका ठूला नेता आफू बाहेक अरुलाई नेतृत्व सुम्पन तयार रहेनछन भन्ने छर्लङ्ग भएको छ । काङ्ग्रेसलाई भागबन्डाबाट जोगाएर विधि र नीतिका आधारमा चलाउने मौका देउवाले पाएका छन।देशको पुरानो र लोकतान्त्रिक पार्टीलाई लोकतान्त्रिक मुल्य र मान्यताका आधारमा चलाउन सकेमा दोस्रो कार्यकाल उपलब्धिमूलक हुनेछ । काङ्ग्रेसको कमाण्ड समाल्ने ौका पाएका देउवालाई बधाई तथा शुभकामना ।