नेपालीहरुको महान चाड वडादशैंले सबैलाई छोइसकेको छ । आश्विन शुक्ल प्रतिपदाको दिनदेखि नौ दिनसम्म शक्तिपिठहरुमा दुर्गा भगवतीको पूजा आरधना गरिन्छ । दशैंलाई असत्यमाथि सत्यको जित भएको हुँदा त्यसलाई विजया दशमीको रुपमा मनाउने गरिन्छ । प्रतिपदाको दिन घटस्थापनामा रोपेको जमरा दशमीको दिन प्रसादको रुपमा लगाउने गरिन्छ । मानव जीवनमा शक्तिको आवश्यकता पर्ने हु“दा दुर्गा भवानीबाट शक्ति प्राप्त होस् भनि उपाशना गरिन्छ । दुर्गा भवानीलाई शक्ति प्राप्त गरेपछि असत्यमाथि सत्यको जितको रुपमा लिइने गरिएको छ । बडादशैं हिन्दुहरुको चाड भनिए पनि यो राष्ट्रिय चाडको रुपमा रह“दै आएको छ । दशैंलाई धार्मिक आध्यात्मिक र सांस्कृतिक चा“डको रुपमा विभिन्न कोणबाट लिने गरिएको छ ।
दशैलाई धार्मिक मात्र नभई सांस्कृतिक आध्यात्मिक रुपमा पनि लिन थालेका छन् । दसैँ धार्मिक भन्दा पनि नेपालीको मौलिक पहिचानसहितको सांस्कृतिक पर्व हो । संसारभर नेपाली जाति जहाँ पुगे पनि दसैँ आफ्नै शैलीमा मनाउँछन् । दशै पारिवारिक पुनर्मिलन र स्नेह तथा सद्भावको पर्व हो । वर्षभर घरबाहिर भएकाहरू पनि आआफ्ना परिवारसँगै दसैँ मनाउन फर्कने चलन छ । यस वर्ष भने घरबाहिर रहेकाहरू परिवार भएका ठाउँमा फर्कन निकै सोचविचार गर्नुपर्नेे देखिएको छ । यो पक्कै पनि सुखद अवस्था होइन । घर फर्केर पनि छरछिमेकी, इष्टमित्र, साथीसँगातीसँग भेटघाट र रमाइलो गर्न निकै सावधान हुनुपर्ने स्थिति छ । कोही पनि आफ्नो परिवार वा समुदायमा कोभिड—१९ को संक्रमण फैलाउने कारक बन्न त पक्कै चाहँदैन । परीक्षण नगरिएकाहरू मात्र हैन परीक्षणमा संक्रमण मुक्त देखिएको व्यक्तिसमेत कुनैपनि क्षण संक्रमित र संक्रमणको वाहक हुनसक्छ । सबैलाई दशैंमा कोभिड विरुद्धको खोप उपलब्ध गराउने सरकारले गरेको बाचा पुरा हुन सकेको छैन् । केही सहर बजार र पहुँच हुनेले बाहेक खोप पाउन अझै कुर्नु पर्ने भएको छ । यसैले दसैँका अवसरमा परिवार र समुदायमा आफ्नो कारणबाट संक्रमण फैलन नदिन कसैले पनि हेलचेक्य्राइँ गर्नु हुँदैन । खोप लगाएकाले नलगाएका पनि छन् भन्ने पनि सोच्नु पर्दछ । विज्ञले तेस्रो लहर आउन सक्ने चेतावनी दिएको हुँदा उच्च सावधानी अपनाउनु पर्ने खाँचो छ । स्वास्थ मापदण्ड पालना गरेर आफ्नो चाड मनाउन अहिलेको वाध्यत्मक अवस्था पनि हो ।
दशैंमा बजार अनुगमन नहुँदा अस्वाभविक मूल्य बृद्धि, अखाद्य बस्तु बिक्री गर्ने र जोखिमपूर्ण सवारीसाधन चढेर यात्रा गर्नुपर्ने बाध्यता रहेको छ । सरकारले व्यापारीहरुलाई अनुकुल हुने गरी अनुगमन गरेपनि झारा गर्ने गरेको छ । जनताको जीवन स्तर खस्किदै गएको बेला कसरी राहत र सेवा सुविधा उपलब्ध गराउने कहिल्यै सोचेन चाडको मुखमा जम्बो मन्त्री मण्डल गठन गर्ने छोडड्नुपर्ने बेला झण्डा हालेर टिका लगाउनु पर्ने जस्ता क्रियाकलापले सरकार जनता प्रति हैन आफ्नै सेवा सुविधाप्रति लिप्त छ भन्ने देखाउछ । सुकुम्वासीलाई बसोबासको व्यवस्था दिलाउनु पर्ने बेलामा गोली प्रहार गरेर ज्यान लिने काम गरेको छ । रमाइलोसँग चाड मनाउनुपर्ने बेला सुकुम्वासीले शोक मनाउनुपर्ने अवस्था आउनु विडम्बना हो । तीन वटै तहका सरकारले जनताका आकांक्षा पुरा गर्न सकेका छैनन् । चुनाव अघि गरेका बाचा कार्यान्वयनमा नआउदाँसम्म जनताले विश्वास गर्ने आधार बन्दैन । सबै मिलेर कोभिड महामारीले पु¥याएको विनासलाई रोक्न र देशलाई राजनीतिक स्थीरता दिन, आर्थिक सम्बृद्धिको बाटोमा लाग्न र सबै नेपाली एकजुट भएर राष्ट्रियताको रक्षा गर्न दुर्गा भवानीले सबैलाई शक्ति प्रदान गरुन भनी देशविदेशमा रहनु भएका सबै नेपालीहरुलाई हार्दिक मंगलमय शुभकामना टक्राउछौं ।