कांग्रेस सभापति शेरबहादुर देउवाले संसद्मा विश्वासको मत पाएका छन् । असार २८ गतेको सर्वोच्च अदालतको आदेश अनुसार असार २९ गते राष्ट्रपति विद्यादेवी भण्डारीबाट प्रधानमन्त्री नियुक्त भएका कांग्रेस सभापति देउवाले आइतबार संसद्मा विश्वासको मत पाएर डेढ वर्ष सरकार चलाउन पाउने भएका छन । नेपाली कांग्रेस, नेकपा (माओवादी केन्द्र), जनता समाजवादी पार्टी (जसपा) र एमालेका २२ सांसदको साथ पाएका देउवाको पक्षमा १६५ मत खसेको थियौ । देउवाको विपक्षमा ८३ सांसदले हस्ताक्षर गरेका छन् । मतदानमा सहभागी २४९ सांसदमध्ये देउवाको पक्षमा १६५ मत खसेको हो भने विपक्षमा ८३ जनाले हस्ताक्षर गरेका हुन् । सहभागीमध्ये एक सांसदले मत दिएनन् । देउवाको पक्षमा काङ्ग्रेस ,माओवादी केन्द्र ,जसपा र एमालेका २२ सांसदले मत दिएका थिए ।
प्रतिनिधिसभा अधिवेशन शुरु भएकोे पहिलो दिनमै विश्वासको मत लिएर नेकपा एमालेलाई कमजोर बनाउन खोजेका छन । प्रधानमन्त्री नियुक्त भएको एक महिनाभित्र विश्वासको मत लिनुपर्ने संवैधानिक प्रावधान अनुसार कांग्रेसका सभापति देउवाले विश्वासको मत लिएर सांसदहरूको धम्कीबाट मुक्त भएका छन । देउवालाई विश्वासको मत दिने विषयमा एमाले वरिष्ठ नेता माधवकुमार नेपाल समूह नै विभाजित भए पनि एमाले अध्यक्ष केपी ओली समूहका केही सांसदले विश्वासको मत दिएका छन् । आइतबार संसदमा भएको मत विभाजनमा प्रेम आलेसहितका नेताले देउवाको पक्षमा मतदान गरेका हुन् । देउवालाई एमालेका ओली र नेपाल समूहका गरेर २२ सांसदले विश्वासको मत दिए ।
देउवालाई विश्वासको मत दिने एमाले सांसदमा वरिष्ठ नेता नेपालसहित ओली समूहका पूर्वमन्त्री प्रेमबहादुर आलेसम्म रहेका छन् । जसपाले विश्वासको मत दिने भएकोले एमालेले दिन हुँदैन भन्ने नेताहरूको आग्रहलाई बरिस्ठ नेता माधवकुमार नेपालले मानेको भए पार्टी सग्लो देखिने थियो।संसद पनि जोगिने, पार्टी पनि सग्लो हुने मौकालाई नेताहरूलाई गुमाएका छन।सत्ताको पछि लागेर पार्टी र मतदातालाई घात गर्ने एमालेमा कसरी हुर्केका छन भन्ने गतिलो उदाहरण हो । एमाले सांसदहरु माधवकुमार नेपाल, विरोध खतिवडा, कल्याणी खड्का, जीवनराम श्रेष्ठ, पार्वती विशुंखे, मेटमणि चौधरी, भवानी खापुङ, निरादेवी जैरु, मुकुन्द न्यौपाने, कलिला खातुन, हिरा केसी, कृष्णकुमार श्रेष्ठ किसान, गोपाल बम, सविना हुसेन, कृष्णलाल महर्जन, प्रेमबहादुर आले, धनबहादुर बुढा, विना बुढाथोकी, सरला यादव, पुष्पाकुमारी कर्ण, लक्ष्मी चौधरी, रामकुमारी झाँक्री छन । एमालेमा माधवकुमार नेपाल समुहमा रहेका सुरेन्द्र पाण्डे,घनश्याम भुषाल, गोकर्ण विष्ट, योगेश भट्टराई लगायत सांसदहरूले देउवालाई मत नदिएर पार्टीलाई जोगाउने प्रयत्न गरेका छन । अब विपक्षमा रहने मौका पाएको एमालेले सरकारमा रहँदा गरेका गल्ती कमजोरीबाट पाठ सिकेर पार्टीलाई पुनर्जीवन दिन नेतृत्वले त्याग गर्न तयार हुनुपर्छ ।
देउवाले पाए विश्वासको मत
प्रतिकृया दिनुहोस्
