प्रधानमन्त्री केपी शर्मा ओलीले प्रतिनिधि सभा विघटनको विरोधमा नेपाली कांग्रेस, नेकपाको पुष्प कमल दाहाल प्रचण्ड –माधवकुमार नेपाल समूह र जनता समाजवादी पार्टीबीचको सहमति थियो । मंगलबार तीनवटै पार्टीको केन्द्रीय समितिको बैठक बस्ने र आन्दोलनको कार्यक्रम बनाउने । संविधानमाथि फरक मत राखेर संशोधनको माग राख्दै आएको जनता समाजवादी पार्टीले मंगलबारै पाँचदिने आन्दोलनका कार्यक्रम घोषणा गरेर आन्दोलन थालिसकेको छ । तर, कांग्रेस भने संविधानमाथि गम्भीर आक्रमण भएको ठहर गरेर विरोध गर्ने कि नगर्ने भन्ने विवादमा फसेको छ । प्रतिनिधिसभा विघटन गर्ने सरकारको कदमविरुद्ध आन्दोलन गर्ने कि नगर्ने ? कहिले गर्ने ? भन्ने विषयमा जारी केन्द्रीय समितिको बैठकमा बुधबार नेताहरूबीच मतान्तर भएको छ ।
मंगलबारै संस्थापन र इतरपक्षका नेताहरूले आन्दोलन गर्ने कि नगर्ने भन्ने विषयमा भिन्नभिन्न मत राखेका थिए । मंगलबारको बैठकमा सभापति शेरबहादुर देउवाले कांग्रेसले अहिले तुरुन्तै सडक प्रदर्शन, आन्दोलन नगरेर अदालत र निर्वाचन आयोगको निर्णय पर्खिनुपर्ने धारणा राखेका थिए । कांग्रेस नेताहरू कम्युनिस्टसंग मिलेर आन्दोलन गर्ने कि एक्लै आन्दोलन गर्ने फरकफरक विचार राख्दै आएका छन।लोकतान्त्रिक पार्टीले चुनावको विरोध गर्न नहुने धारणा उठ्न थालेको छ । सर्वोच्च अदालतले विघटनको पक्षमा फैसला गरेमा चुनावमा जानुपर्ने हुँदा दुवै बाटो खुला राख्नुपर्ने विचार वलियो बन्दै गएको छ ।
विगतमा अरुको एजेन्डामा कांग्रेस लतारिएको आरोप खेप्नुपरेको छ।सधैं भागबन्डामा चल्दै आएको हुँदा राज्यका सबै निकाय, अंग कमजोर बनेका छन।लोकतान्त्रिक र संसदीय मुल्य र मान्यतामा विश्वास गर्ने कांग्रेस आफ्ना गलत कदम सच्याउने मौका पाएको छ । नेपाली कांग्रेसको बैठकले कस्तो कार्यक्रम ल्याउँदै त्यसको ठूलो अर्थ राख्छ।जस्तोसुकै आन्दोलन घोषणा गरेपनि संविधानको रक्षा ,लोकतन्त्रलाई बलियो बनाउनेछ । १६ पुसमा देशभरि मेलमिलाप दिवस मनाउने निर्णय भएको हुँदा बेमेल गरेर को बढी क्रान्तिकारी देखिने भनेर परिस्थितिलाई विगार्नु हुँदैन ।
वरिष्ठ नेता पौडेलले प्रचण्ड र नेपालसँग वा अरूसँग मिलेर भए पनि सडक प्रदर्शनमा निस्किनुपर्नेमा जोड दिएका छन् । तर, उनीनिकट मानिने नेता महेश आचार्यले कांग्रेस एक्लैले सरकारको असंवैधानिक कदमविरुद्ध आन्दोलन गर्नुपर्ने विचारले निर्णायक नभए पनि अरुको पुच्छर बन्ने प्रबृत्ति प्रतिको असन्तुष्टि हो । संस्थापन पक्ष भने अहिल्यै आन्दोलन वा विरोधका कार्यक्रम बनाएर सडकमा जाने पक्षमा स्पष्ट देखिएको छैन । पार्टीको महाधिवेशनलाई आफ्नो पक्षमा पार्न पनि पौडेल पक्षले आन्दोलनलाई उपयोग गर्ने देखेर संस्थापन पक्ष विचको बाटो लिन खोजेको छ ।