नेपालका दुई कम्युनिष्ट पार्टी नेकपा एमाले र माओवादी केन्द्र वीच एकता मह बनेको नेकपा दुई वर्ष सात महिनापछि विभाजित भएको छ । दुई पार्टीको एकता प्रकृया पुरा नहुँदै पार्टी विभाजित हुनु कम्युनिष्ट आन्दोलनलाई कमजोर बनाउनु हो । दुई पार्टी एकीकरण गर्दा दुई अध्यक्ष राख्दा नै दुई शक्ति केन्द्र बनाउने काम भएको थियो । त्यही प्राब्धान पार्टी विभाजनको कारक बन्यो । पार्टी एकता भएको ६ महिनादेखि सुसुप्त रुपमा देखिएको अन्तरविरोध एक वर्षदेखि बहुमत अल्पमतमा परिणत भएको थियो । एउटै जंगलमा दुई सिंह रहन सक्दैनन् भन्ने धेरैको अनुमानलाई केपी शर्मा ओली र पुष्पकमल दाहाल प्रचण्डले एकले अर्कालाई अध्यक्षबाट हटाएर सही सावित गरिदिएका छन् । नेताहरुको इगोको कारण कम्युनिष्ट पार्टीका कार्यकर्ताको भविष्यमाथि खेलवाड गराइदिएका छन् । कम्युनिष्ट पार्टी एकतावद्ध होस, कम्युनिष्ट पार्टीको प्रभाव विस्तार भएको देख्न चाहने सदस्य र शुभेच्छुकको चाहना माथि तुषारापात हो । दुई अध्यक्षले जे जस्तो तर्क दिएर एकले अर्कोलाई कारवाही गर्दै पार्टी विभाजन गराएको घटना दुर्भाग्यपूर्ण हो । देशमा राजनीतिक स्थिरता, राष्ट्रिय स्वाभिमान उचो राख्न चाहनेहरुलाई निराश बनाउने दिनको रुपमा दर्ज हुनेछ ।
जनताले कम्युनिष्ट पार्टीलाई दिएको मतलाई अवमुल्यन गरेर जा“दा आजको अवस्था आएको हो । मात्राको रुपमा ओली र प्रचण्ड र नेता माधव कुमार नेपाल कमवेशी भएपनि पार्टीलाई विभाजनमा पु¥याउने मुख्य नेता हुन् । पार्टीलाई महाधिवेशन गराएर नेतृत्व हस्तान्तरण गर्ने प्रक्रियालाई छोडेर विचैमा हटाउन खोज्दा देशको ठूलो पार्टी विभाजित हुन पुगेको छ । प्रतिनिधि सभा विघटनको विरुद्ध सर्वोच्च अदालतमा परेका मुद्धाले एउटा फैसला पक्कै देला । पुनस्र्थापना गर्ने या विघटन सदर गर्ने जे फैसला गरे पनि सग्लो कम्युनिष्ट पार्टी हुने छैन । अव दुई पार्टीको तानातानमा कार्यकर्ता पर्ने छन् । पार्टीलाई एकतावद्ध बनाएर जनताका वीचमा जानु पर्ने नेताहरु एक वर्षदेखिको विचविच हटेको छ । तर पार्टी सदस्य र शुभेच्छुकको मनलाई रुवाउने काम मात्र गरेको छ ।
नेपालका कम्युनिष्ट हुन या कांग्रेस सत्तामा पुगेपछि पार्टी र सरकारको ठूलो भन्ने कलहमा पर्दै आएका छन् । त्यो कलह कहिल्यै अन्त्य हुन नसकेर जनताले दिएको मतलाई अनादर गरेर चुनावका जाँदा प्रतिकूल परिणाम भोगेका छन् । प्रतिनिधि सभा विघटन गर्नका लागि सिफारिस गर्ने प्रधानमन्त्री र सिफारिस स्वीकृत गर्ने राष्ट्रपतिलाई दोष दिएपनि यो अवस्था ल्याउन भूमिका खेल्ने सत्तारुढ नेकपाका तीन शिर्ष नेता दोषी हुन् । नेकपा भित्रको अन्तर संघर्ष चर्कदै जाँदा एकता जोगाउन चाहने मध्यमार्गीहरुको प्रयास सफल हुन सकेन । पार्टीमा यस्तो अवस्था आउदै छ भन्ने अनुमान गरेका दोस्रो पुस्ताका नेताहरुले प्रभावकारी भूमिका खेल्न सकेनन् । पुरानै गुटका आधारमा नेताहरु विभाजित हुँदा पार्टी विभाजित हुन पुगेको हो । सत्तामा पुगेपछि जनतालाई नदेख्ने प्रवृत्तिले गर्दा भएको घटनाले नेतृत्वलाई क्षमा दिने छैन ।