नेपालीहरुले मान्दै आएको पात्रो (क्यालेण्डर) फेरिएको छ । नेपालमा विक्रमाब्दले चलनमा ल्याएको सम्वतलाई नै मानिदै आएको छ । नेपालले मानेको पात्रो २०८२ शुरु भएको छ । वि.स. २०८१ लाई विदाई गरेर नयाँ वर्ष सुरु हुने गर्दछ । नयाँ वर्षको सुरुमै नयाँ कामको थालनी गर्ने, शुभकामना आदानप्रदान गर्ने काम भएका छन् । विदेशमा रहेका नेपालीहरुले समेत नयाँ वर्षको सुरुआतको अवसरमा विभिन्न कार्यक्रम गरी मनाउने गर्दछन् । नेपालले मानेको विभिन्न सम्वत मध्ये विक्रम सम्वतले सरकारी कामकाज मान्यता पाएको छ । हुनत अन्य सम्वतलाई पनि मान्यता दिइएको छ । विक्रमसम्वतले विशेष महत्व पाउदै आएको छ । २०८१ साल पनि आगजनी, हिंसा, आक्रमण र हमला, प्रकोपले गर्दा कमजोर र गरिबलाई बाँच्न गाह्रो बनाएर गएको छ । दुई ठूला दल मिलेर मजबुत सरकार बन्दा पनि सेवा प्रवाह चुस्त हुन नसक्दा जनतामा असन्तुष्टि बढेर गएको छ । नेपाली जनताले पाएका अधिकार खोस्न प्रतिगमनकारी सक्रिय भएका छन् । संघीय लोकतान्त्रिक गणतन्त्र विरुद्ध राजतन्त्र पक्षधर लागेका छन् । संघीय लोकतान्त्रिक गणतन्त्र संस्थागत गर्न लाग्नुपर्ने बेला गणतन्त्र मान्ने दलहरूबीच तिक्त देखिनु विडम्बना हो ।
धनी र शक्तिशाली देशले साना र कमजोरलाई युद्धमा उक्साउछन भन्ने देखाएको छ । गरिब तथा कमजोर मुलुकले जनतालाई राहत दिन, महंगीको मारबाट कसरी बचाउने, स्वास्थ्य उपचार र रोग नियन्त्रणका लागि गरिएका कामले आफ्ना नागरिकलाई सन्तुष्ट राख्न सकेनन । नेपालको आर्थिक अवस्था निकै कमजोर बन्न पुग्यो । हरेक सूचकांक देशको आर्थिक अवस्था खस्किएको देखाएको छ । राजनीतिक अस्थिरता, सरकार फेरबदल, प्रदेश सरकार अस्थिर, हरेक क्षेत्रमा असन्तुष्टि र राज्यका सबै अंगले काम गर्न नसक्ने अवस्थाले जनतामा निराशा पलाएको छ । आर्थिक अवस्था खस्कदै जाने काम भयो । बजेट निर्माणमा व्यापारीका प्रतिनिधि राखेर करका दर हेरफेर गर्ने काम भयो । हरेक काम सेटिङका आधारमा हुने गरे । राजनीतिक दलहरूबीचको सम्बन्ध सुमधुर हुन सकेन । देशका सबै अंगलाई कमजोर बनाउने विदेशी योजनाले सार्थकता पाए । राजनीति मुल्य र मान्यता विपरीतचल्ने, सहकारीलाई ठगेरखाने भाँडो बनाउने र कार्यवाही गर्दा उल्टै ठूलो स्वर निकालेर जो चोरउस्कै ठूलो स्वरगरेका छन् । देशमा बलियो राजनीतिक शक्तिलाई कमजोर बनाएर अस्थिर बनाउनखोज्ने हावी हुनखोज्नेलाई बेलैमा चिन्न नसक्दा सरकारको स्थायित्वमा प्रश्न उठ्ने गरेको छ । देशको पुर्वाधार विकास, आर्थिक अनुशासन कायम गर्न,राष्ट्रिय स्वाभिमानका लागि बलियो देशभक्त शक्ति चाहिन्छ भन्ने बोध जनतालाई भएको छ ।
देश हरेक क्षेत्रमा आत्मनिर्भर हुनुपर्छ भन्ने चेतको विकास गर्न दलहरूबीचको सम्बन्ध राम्रो बनाउन लाग्नुपर्छ । प्राकृतिक विपत्ति, आर्थिक, सामाजिक र साँस्कृतिक, स्वास्थ्य, शिक्षा, हरेक क्षेत्रमा पारेको असरले जनतालाई निराश बनाउने काम अघिल्लो सालले गरेको छ । सबैभन्दा जनतालाई निराश बनाउने काम दलहरूको गतिविधिले गरेको छ । राज्यकोषको दोहोन गर्ने, फरक विचार राख्ने माथि अमर्यादित र अश्लील शब्द प्रयोग गर्ने ,भ्रामक समाचार बनाउने काम रोक्न जिम्मेवार राजनीतिक दलहरु लाग्नुपर्छ। , हरेक क्षेत्रमा निराशा र अस्थिरता ल्याउन खोज्नेलाई चिनेर जनतालाई सही सूचना दिने, सुशासन कायमगर्न र आर्थिक अबस्थामा सुधार, स्वास्थ्य संस्थालाई बलियो बनाउने गरि संरचना निर्माण थालिनु, सडक, पुल बनाउने कामलाई तीब्रता दिनुपर्छ । विकासको दृष्टिकोण भएको बलियो राजनीतिक शक्ति चाहिने महसुश भएको छ । लोकतान्त्रिक र बामपंथी र सुशासन चाहनेको सरकार बनेको छ।जनतालाई सुशासन दिन र समाजवादका आधार निर्माण गर्न सरकारले देशमा केही हुन्छ भन्ने सन्देस दिन सक्नुपर्छ । नकारात्मक सोच, घृणा र प्रतिशोधको भावना छाडेर जनतामा आशाको सन्देश दिन राजनीतिक दलले सक्ने सद्बुद्धि र शुभभावना आउन सकोस नयाँ वर्ष २०८२ को शुभकामना !