प्रतिनिधि सभा विघटन पछि नेपाल कम्युनिष्ट पार्टी (नेकपा) विभाजित मात्र भएको छैन गाली गलौज गरिरहेका छन । आरोप प्रत्यारोपले सबैलाई हसाएको छ । यही मौकामा नेपाली कांग्रेसले प्रधानमन्त्री केपी शर्मा ओलीले प्रतिनिधि सभा विघटन गरेको विरोधमा देशब्यापी प्रदर्शन गरेको छ । देशका धेरै जसो वडा, ७५३ पालिका, ३३० प्रदेश निर्वाचन क्षेत्र र १६५ निर्वाचन क्षेत्रमा प्रदर्शन गरिसकेको छ । कांग्रेसको विरोध प्रदर्शन पालिका र वडामा कार्यक्रम गरेर जग सम्म पार्टीलाई चलायमन गराउन सकेको कांग्रेसको विरोधका कार्यक्रम प्रतिनिधि सभा विघटन सदर भए निर्वाचनमा भाग लिन सजिलो हुनेछ खालका छन । चुनावको तयारी वडाबाट गरेको छ । कांग्रेस सभापति शेरबहादुर देउवाले प्रधानमन्त्री केपी ओलीको संसद् विघटनको निर्णय संविधानविरोधी कदम भएको भन्दै चुनावी तयारीको छ ।
संसद विघटनको विरोधमा देउवाले सर्वोच्च अदालतमा विचाराधीन रहेको मुद्दामा जुलुस निकालेर यो गर, ऊ गर भन्न नहुने अडान राख्दै आएका छन । कांग्रेसका केही नेता निर्वाचनको विरोधमा छन । प्रधानमन्त्रीले घोषणा गरेको मितिमा चुनाव गराउदैनन कि भन्ने आशंका गरेका छन । चुनाव नगराएमा सडकबाट हटाउने चेतावनीसमेत दिएका छन । विघटनको पक्ष र विपक्षमा सडकबाट अदालतलाई दवाव दिने कामको विरोध पनि देउवाले गरेका छन । अदालतमा विचाराधीन रहेको मुद्दामा जुलुस निकालेर यो गर र ऊ गर भन्नु सान्दर्भिक हुँदैन भन्ने देउवाको धारणासंग कांग्रेस ठूलो हिस्सा सहमत देखिदैन । देउवाले सबैले अदालतको निर्णय पर्खिनुपर्छ भनिरहँदा कांग्रेस निकट वकिल भने सडकबाट निर्णय गराउन दवाव दिदैछन । चुनावमा भाग लिन विपक्षी दल तयार देखिँदा हिजो सरकारमा रहेका सहयोद्धा चुनावको विरोध गरिरहनु बुझिनसक्नु हो । कांग्रेसले अदालतको जस्तोसुकै निर्णय मान्न तयार छ भनेर सडकबाट दवावको घुमाउरो तरिकाले विरोध गरेकोे छ ।
अहिले विभिन्न राजनीतिक दलहरूले सभा र जुलुस गरेर संसद् विघटनको विरोध गरे पनि अदालतले सरकारको निर्वाचनमै जानुपर्ने निर्णयलाई सदर गरेमा सबैले चुनावमा भाग लिने कांग्रेसको विश्वास छ । शुरुमा चुनाव हुन सक्दैन भन्नेहरू पनि अब जनताको अदालतमा जान तयार रहेको भन्नू लोकतन्त्रमा जनता भन्दा अरु कोही बलियो छैन भन्नू हो । अदालतले संसद् विघटनलाई सदर गरे पनि प्रधानमन्त्री केपी शर्मा ओलीले चुनाव गराउँछन् भन्नेमा धेरैलाई शंका छ।प्रधानमन्त्री ओलीले चुनावमा भाग लिन जनता तयार छन भन्ने सुदूरपश्चिमको धनगढी सभाले दिएको छ । विभाजित नेकपा देखि मधेस केन्द्रीत दलका विरोधका कार्यक्रम चुनावका लागि तयार रहने खालका छन।निर्वाचन आयोगले निर्वाचनको लागि गरेको तयारी पनि ताजा जनादेशका लागि दलहरू तयार हुन्छन् भन्ने छ । दलहरूले काठमाण्डौमा कार्यकर्ता उतार्नु भन्दा वडा सम्म जाने कार्यक्रममार्फत कार्यकर्ता धेरै परिचालित हुन्छन् ।