नेकपा एमाले विभाजनका वेला जे जस्तो आरोप लाग्ने गरेका थिए । अहिले त्यही शैलीको जुहारी चलेको छ । प्रतिनिधि सभा विघटनको विरोधमा प्रचण्ड नेपाल समूह सडकबाट सच्याउन बाध्य हुने भन्दै आन्दोलन जारी राख्ने पक्षमा छ । विघटनको विरोधमा रहेका दलहरूलाईसंगै लैजाने चाहना प्रचण्ड नेपाल समुहको छ । जनताको संसद पुनरस्थापना गर्न संविधानले मिल्दैन, त्यो सपना नदेख्न अध्यक्ष ओलीको आग्रह छ । ‘अब नयाँ सरकार बन्ने पनि विकल्प छैन, संसद पुनरस्थापना पनि विकल्प छैन ।’ नयाँ निर्वाचन भएमात्र त्यो सम्भव हुनेछ । संविधानको धारा ७६ अनुसार आफूले प्रतिनिधिसभा विघटन गरेका प्रधानमन्त्रीले आफ्नो कदम असंवैधानिक नभएको प्रष्ट पारेका छन ।
सत्तारुढ नेपाल कम्युनिस्ट पार्टी (नेकपा) विभाजन पछि सडक र संचार माध्यममा अमर्यादित र अशिष्ठ समाचार आउने गरेको छ । संचार माध्यममा सडकमा लागेका गाली गलौज र घृणा फैलाउने नाराले ठाउँ पाउने गरेको छ । राष्ट्रप्रमुखमाथि लागेका नारालाई सभ्य समाजका लागि सुहाउने खालका छैनन् । राजनीतिक दलका नेताहरूले भाषणमा जे जस्तो शब्द चयन गरेका छन त्यसले उनिहरुको संस्कृतिको उजागर गरेको छ । राजनीतिक मुद्दा भन्दा ब्यक्तिगत गाली गलौजमा उत्रदा त्यसको छायाँ संचार माध्यममा परेको छ । संचार माध्यम र पत्रकारलाई प्रेस काउन्सिल नेपालले सभ्य, शिष्ट, मर्यादित र जिम्मेवार भई समाचार सामग्री सम्प्रेषण गर्न आमसञ्चार माध्यम, सम्पूर्ण पत्रकार, सञ्चारकर्मी, सामाजिक सञ्जाल र यसका प्रयोगकर्तामा अपिल समेत गरेको छ ।
अहिलेको संवेदनशील घडीमा राजनीतिक दल÷नेताबाट एकआपसमा लक्षित गर्दै कुनै बैठक तथा सभामा बोल्ने क्रममा प्रयोग भएको भनिएका भनाइ, भाषा, शब्द, सडकमा लागेका उच्शृृखल र अमर्यादित नारासमेतमा आधारित भई सम्मानित संस्था, व्यक्ति र नागरिकको मर्यादामासमेत आँच पुग्ने गरी मूल शीर्षक बनाइ, तोडमरोड गरी नकारात्मकतालाई मद्दत पु¥याउने किसिमबाट सञ्चार माध्यमबाट प्रचारप्रसार भइरहेको छ । पत्रकार आचारसंहिता, २०७३ (पहिलो संशोधन, २०७६) विपरीत भएको पनि जनाएको छ । तथ्यभन्दा टाढा रही कसैलाई लाभ वा हानि पु¥याउने नियत राखी, कसैमाथि भेदभाव हुने वा घृणा उत्पन्न गर्ने गरी, कसैको आत्मसम्मानमा ठेस् पु¥याउने, सार्वजनिक शिष्टाचार वा नैतिकताको प्रतिकूल हुने किसिमबाट अशिष्ट, अमर्यादित भाषा र कार्यशैलीमा जनमानसमा भ्रम पार्ने, उत्तेजित बनाउने कार्य आचारसंहिता प्रतिकूल हुने काउन्सिलले संझाएको छ ।
सामाजिक सद्भावमा खलल पु¥याउने गरी सामग्री सम्प्रेषण गर्नु–गराउनु पत्रकार आचारसंहिता प्रतिकूल हुने हुँदा तथ्यगत पुष्टिसहित मर्यादित, सन्तुलित सामग्री सम्प्रेषण गर्नु जिम्मेवार पत्रकार तथा सञ्चारमाध्यमको कर्तव्य र जिम्मेवारी हो, यसबाट नै प्रेस स्वतन्त्रतालाई अक्षुण्ण राख्न मद्दत पु¥याउछ । प्रतिनिधि सभा विघटनको पक्ष विपक्षमा राजनीतिक दल र नेता जस्तै गरि पत्रकार र संचार माध्यम देखिनु उचित होइन । राजनीतिक दलका नेता, कानुन ब्यवसायी पक्ष विपक्षमा रहनु स्वभाविक मानिए पनि पत्रकार र संचार माध्यम दलका नेता र वकिल भन्दा बढी पक्ष विपक्षमा देखिँदा पत्रकारको निस्पक्षता, सन्तुलन हुन सक्दैन । पत्रकारले वनाएको आचार संहिता पालना नगर्दा जनमानसमा के असर पर्छ भन्ने ख्याल गर्नुपर्छ ।