आफन्त चिन्ने, वोल्ने केही वुझ्ने भएदेखि नै उनी सवैलाइ नमस्कार गर्दै हिड्ने, दुइ चार जना मानिसको भिड देख्यो कि कविता वाचन गर्ने । ठुला ठुला नेता वोलेको देख्यो कि दङ्ग परेर सुन्ने । नेता वोलेर ताली बझाएको दृश्यमा रमाउँथे । बिद्यालयमा पाईला टेकेदेखि नै पढाइमा ध्यान दिन्थे नै । तर फुर्सद मिल्यो कि गुरु गुरुआमाले कसरी यति धेरै वोल्न सक्नु हुन्छ भनी टोलाउँथ्ये । नानीदेखि लागेको बानीले नै अहिले युवा नेता किरण वराल सवैका लोकप्रिय र प्रष्ट बक्ताको रुपमा परिचित बन्दै गएका छन् । पोखरा– १३ निवासी किरण वराल बाल कल्याण बोडिङ्ग स्कूलमा कक्षा ८ मा पढ्दादेखि थाह पाएसम्म नेपाली कांग्रेसको कुनै पनि आमसभामा कविता वाचनमा पुग्दथे ।
नेपाली काँग्रेसको झण्डा देख्यो कि जिन्दावाद पहिला वाक्यो थियो किरणको । जिन्दावाद जिन्दावाद भन्दा भन्दै कवि रुपी किरण वि.स २०५६ सालको संसदीय निर्वाचनमा कांग्रेस नेता महादेव गुरुङलाई जिताउन आयोजित सभाहरुमा समेत कविता वाचन गर्दै हिंडेका थिए । सोही समयमा तत्कालीन सभापति गिरिजाप्रसाद कोइरालाको उपस्थिति भएको चिप्लेढुङ्गाको आमसभामा गिरिजाकै अगाडि कविता वाचन गरे किरणले । आठ कक्षामै किरणको कविता सुनेर सभापति गिरिजा दंग परेका थिए । लगत्तै महादेव गुरुङले विजय प्राप्त गरे । कांग्रेस नेतृत्वको सरकार बन्यो । गिरिजाले किरणको त्यो प्रतिभालाइ मुल्याकंन गर्दै कक्षा ८ पढ्दा–पढ्दै अन्तर्राष्ट्रिय सम्मेलनमा जाने अवसर मिलाइदिए । जुन सम्मेलन पाकिस्तामा भएको थियो । पर्वतारोहण सम्बन्धी अन्तर्राष्ट्रिय सम्मेलनमा नेपालबाट तीन जना विद्यार्थी मध्य एक हुन किरण । कांग्रेस निकट नेपाल विद्यार्थी संघमा नजिकएपछि किरण स्ववियु सदस्यमा उठे तर चुनाव हारे । केही समयपछि फेरी कांग्रेस र प्रजातान्त्रिक कांग्रेस एकिकरण भएपछि स्ववियुको फेरी निर्वाचन आयो ।
सो निर्वाचनमा पृथ्वीनारायण क्याम्पसमा स्ववियु सभापतिका लागि किरणले २०६३ मा टिकट पाए । तर उनी उम्मेदवार उठ्न मिलेन । किनकी उच्च शिक्षा अध्ययन गर्नको लागि किरण अष्ट्रेलीया जाने तयारीमा जुटेका थिए । सानै वाट मनकारी स्वभावका किरणले पाएको स्ववियु सभापतिको टिकट रामप्रसाद अधिकारीलाई बुझाए । तर आँफु चुनावभरी प्रचारप्रसारमा रातदिन खटिएको अझै पनि झलझली याद आउने किरणले बताए । सन् २००९ सालमा अष्टिे«यलीय छिरेका किरणलाइ आफ्नै समाज र देशको मायाले तड्पीय पछि आफ्नो पढाइ सकिए लगतै २०१७ मा नेपाल फर्के ।
अष्ट्रेलियामा रहेपनि उनले कांग्रेससँग आवद्ध भएर आफ्नो कार्यलाइ निरन्तरता दिइरहे । त्यहाँ बस्दा पनि कांग्रेस निकट जनसम्पर्क समितिको महामन्त्री भएर काम गरेको अनुभव छ किरणसँग । अष्ट्रेलियामा ८ बर्ष बसी लिएको ज्ञानलाइ नेपाल आएपछि किरणले राजनीति र पर्यटन व्यवसायी सँग सँगै लगेका छन् । कांग्रेसको गएको अधिवेशनमा कास्कीबाट सर्वाधिक मत पाएर प्रदेश प्रतिनिधी बनेका छन् किरण । उनै किरण पोखरा महामनगरपालिका वडा नं १३ मा कांग्रेसका तर्फबाट अध्यक्ष पदमा उम्मेदवारी दिएका छन् । वडालाई महानगरपालिकाको पहुँचमा पुर्याउने मुख्य गुरु योजना बुनेका छन् किरणले । महानगरपालिकाका वडा मध्ये उत्कृष्ठ वडा बनाउने उद्देश्य बोकेर रातदिन जनतासँग मत माग्दै हिंडेका छन् किरण । आठ वर्ष अस्ट्रेलियामा उच्च शिक्षा हाँसिल गरेर नेपाल फर्केका किरणले बिदेशमा देखेका बिकासलाइ आफ्नै वडावाट सुरु गर्ने योजना सुनाए वरालले ।
वडा १३ का मुख्य समस्याहरु मध्य बाटो, पानी, स्वास्थ, शिक्षा क्षेत्र लगायतका समस्याहरु जनताले विहान उठेदेखी बेलुका सुत्ने समय सम्म अनिवार्य आवश्यकीयलाइ सहज र प्रविधि मैत्री बनाउने किरणले प्रतिवद्धता सुनाए । अझ विशेष गरी बृद्धबृद्धाको सुझाव र युवाको योजना अनुरुप आँफुले वडालाई ५ बर्षमा उत्कृष्ठ बनाउने किरणको मुल मन्त्र छ । उनै किरण वरालको साथमा क्रमश महिला सदस्यमा सुचित तमाङ्ग, दलित सदस्य रजनी परियार, खुला सदस्य द्धय सरीफ अलिमियाँ, र बल वहादुर बराल लगायत सायौ कार्यकर्ता सँगै शुभचिन्तकहरु घरदैलोमा हिड्ने क्रम जारी रहेको नेपाली काँग्रेस वडा १३ इकाइका सचिव सुदिप गुरुङले पोखरापत्रलाइ वताए ।