कोरोना भाइरस विरुद्ध लड्न खोपको अभाव झेलिरहेको सरकारलाई उत्तरी छिमेकी चीनले ढाडस दिएको छ । राष्ट्रपति विद्या देवी भण्डारीले नेपालका दुई छिमेकी चीन र भारतका समकक्षीसंग खोप उपलब्ध गराउन कुटनीतिक पहल लिएकी छन । राष्ट्रपति भण्डारीले गरेको पहलको तत्कालै देखिएको छ । चीनले नेपाललाई १० लाख डोज कोरोना भाइरसविरुद्धको खोप अनुदान दिने भएको छ । बुधबार नेपाली समकक्षी भण्डारीसँग भएको टेलिफोन कुराकानीमा चिनियाँ राष्ट्रपति सी जिनपिङले अनुदान घोषणा गरेका छन ।
दुई राष्ट्रपतिको टेलिफोन संवादपछि नेपालका लागि चिनियाँ राजदूत हाउ यान्छीले चीनले नेपाललाई अनुदानमा खोप दिएको जानकारी दिएकी छन । सरकारले कोरोना भाइरस विरुद्धको लडाइँको लागि सम्पूर्ण ध्यान केन्द्रीत गरेको छ।खोपलाई पहिलो प्राथमिकता दिएको छ।भारत, चीन, अमेरिका, बेलायत, रुस, संयुक्त राष्ट्र संघ सबैसंग खोप उपलब्ध गराउन राजनीतिक, कुटनैतिक पहल गरिरहेको छ । ती देशहरूले सहयोग गर्ने विश्वास दिलाएका छन । सहयोगमा पनि गरिरहेका छन । चिनियाँ समकक्षी सीसँग भएको टेलिफोन कुराकानीमा राष्ट्रपति विद्यादेवी भण्डारीले नेपाललाई आवश्यक कोरोना भाइरसविरुद्धको खोप खरिदमा सहजीकरण गरिदिन अनुरोध गरेकी थिइन् ।
करिब ४० मिनेट भएको कुराकानीका क्रममा राष्ट्रपति भण्डारीले कोभिड–१९ बाट नेपाली जनताको जीवन रक्षा गर्नु नेपाल सरकारको पहिलो दायित्व रहेको भन्दै आवश्यक खोप चीनबाट खरिद गर्न इच्छुक रहेको बताएकी थिइन् । उनले यस प्रक्रियामा सहजीकरण गरिदिन राष्ट्रपति सीलाई आग्रह गरेकी थिइन् । जवाफमा चिनियाँ राष्ट्रपति सीले आफ्ना सरकारी अधिकारीहरुसँग बुझ्ने बताएका थिए । ‘यहाँको अनुरोधलाई मैले मनन गरेको छु, हामी नेपाललाई सहयोग गर्न सधैं तत्पर छौं’ कुराकानीमा क्रममा राष्ट्रपति सीले भनेका थिए ।
राष्ट्रपति भण्डारीले मंगलबार भारतीय समकक्षी रामनाथ कोविन्दलाई पत्र पठाएकी छन । ‘सरकारले खोपलाई कति प्राथमिकता दिएको छ भन्ने प्रमाणित गर्छ’,। खोप उत्पादन गर्ने मुलुकहरुमा नै संक्रमण बढेकाले समस्या भएको भएपनि सरकारले प्रयत्नमा कुनै कमि देखाएको छैन । ‘प्रधानमन्त्री, स्वास्थ्य मन्त्री र परराष्ट्रमन्त्रीले खोप र अन्य स्वास्थ्य उपकरण, सामाग्री र औषधीका साथै अस्पतालको स्तरोन्नति गर्न सबै उपाय अबलम्बन गर्ने प्रतिबद्धता जनाउँदै आएका छन।शुरुमा सरकारको आलोचना भए पनि अहिले कोरोना भाइरस विरुद्धको अभियानमा केन्द्रीत गरेको छ।यस काममा विपक्षी र नागरिक समाजको पनि सहयोग जरुरी हुन्छ ।’