कर्मशिल बचत तथा ऋण सहकारी संस्था लिमिटेडको नवौं साधारण सभा तथा चौथो अधिवेशनले संगिता गौतम तिमिल्सिनाको अध्यक्षतामा नयाँ कार्यसमिति समिति चयन गरेको छ ।
समितिको वरिष्ठ उपाध्यक्षमा विजय अधिकारी, महिला उपाध्यक्षमा विष्णुमाया गुरुङ, सचिवमा तोरण बहादुर बानियाँ, कोषाध्यक्षमा चन्द्र बहादुर गुरुङ, सह सचिवमा ज्ञान प्रसाद अर्याल रहेका छन् । यसैगरी सदस्यमा तिर्थ कुमारी गुरुङ, उर्मिला खड्का भण्डारी, गोविन्द प्रसाद गौतम, सुमन उपाध्याय गौतम र राम बहादुर खत्री निर्वाचित हुनुभएको छ ।
संस्थाको लेखा सुपरिवेक्षण समितिको संयोजकमा शिवहरि तिमिल्सिना, सदस्यमा घनश्याम तिवारी र राजकुमार लामिछाने रहेका छन् । कार्यक्रमको निर्वाचन संयोजकमा देविलाल शर्मा तिमिल्सिना र सदस्यहरुमा त्रिपुरेश्वर राज त्रिपाठी र भुवन पराजुली रहनुभएको थियो ।
यसअघि वार्षिक साधारणसभा कार्यक्रमको उद्घाटन कार्यक्रमका प्रमुख अतिथि नेपाल सरकार भूमि व्यवस्था सहकारी तथा गरिबी निवारण मन्त्रालय सहकारी विभाग काठमाडौंका रजिष्ट्रार झलकराम अधिकारीले गर्नुभएको थियो । उहाँले संघीय कानुन सबैले मान्नुपर्छ, सहकारी मान्यता सिद्धान्त पालना गर्दै सहकारीलाई उत्पादनसँग जोडिनुपर्ने बताउनुभयो । सहकारीलाई नियमगन गर्ने निकाय बलियो हुनुपर्ने यसलाई व्यवस्थित गरिनुपर्ने बताउनुभयो । कार्यक्रममा विशेष अतिथिको मन्तव्य राख्दै जिल्ला सहकारी संघका अध्यक्ष सावित्रा कोइरालाले सहकारी संस्थाले अबका दिनमा दोहोरो सदस्यताका बारेमा सदस्यलाई बुझाउनुपर्ने अवस्था आएको भन्ने कुरामा जोड दिनुभयो । कार्यक्रममा सदस्यका तर्फबाट महेश्वर ढकाल , सल्लाहकार शिवहरी शर्मा, लेखासमिति संयोजक देविलाल शर्मा लगायतले शुभकामना मन्तव्य व्यक्त गर्नुभएको थियो ।
साधारण सभामा संस्थाको आ.व ०७७।०७८ का गतिविधि सहितको सचिवको प्रतिवेदन, आर्थिक गतिविधि र भावी बजेट र कार्यक्रम सहितको कोपाध्यक्षको प्रतिबेदन, ऋण लगानी उप समितिको प्रतिवेदन तथा नीति निर्माण कार्यान्वयन उपसमितिको प्रतिवेदन छलफल सहित सर्वसम्मत रुपमा पारित गरिएको थियो ।
संस्थाको आर्थिक चित्रण सहित हालको अवस्थाको बारेमा लेखा सुपरिवेक्षण समितिका संयोजक देविलाल शर्मा तिमिल्सिनाले प्रस्ट पार्नु भएको थियो । संस्थाले आ.व ०७७।०७८ मा उत्कृष्ट बचत गर्ने शुशिल पौडेल, शकुन्तला पन्त खड्का र भगवती के.सी साथै असल कर्जा कारोबार गर्ने गणेश भण्डारी, ईश्वर गुरुङ र कृष्ण कुमारी परियारलाई सम्मान गरिएको थियो ।
कार्यक्रममा उत्कृष्ठ कर्मचारी सम्मानबाट पवित्रा गौतमलाई सम्मान गरिएको थियो भने सहकारीका ज्येष्ठ सदस्यद्धय नितलाल अधिकारी र शालिकग्राम शर्मालाई समेत कर्मशिल साहाराको रुपमा सम्मान गरिएको कार्यक्रम सहकारीका अध्यक्ष धु्रर्व कुवँरको अध्यक्षतामा भएको थियो । उपाध्यक्ष संगिता गौतम तिमिल्सिनाले स्वागत मन्तव्य राख्नुभएको कार्यक्रमको संचालन सचिव विजय अधिकारीले गर्नुभएको जानकारी संस्थाका प्रबन्धक देबेन्द्र धितालले गराउनुभयो ।