पोखरा महानगरपालिका वडा नं १३ स्थित कोन सामुदायिक बचत तथा ऋण सहकारी संस्था लिमिटेडको २५ औं वार्षिक साधारणा सभा शनिवार सम्पन्न भयो ।
साधारण सभाको उद्घाटन गर्दै अनन्तश्रीविभूषित मुक्तिनाथपीठाधीश्वर स्वामी कमलयनाचार्य श्रीजी महाराज (श्रीमुक्तिनाथबाबा)ले सहकारीलाई लक्ष्मीले विश्वास गर्नु भएकोले राम्रो हुँदै गएको भने । वडा नं १३ का वडा अध्यक्ष किरण वरालले सामाजिक कार्यमा कोन सँग सहकार्य गरेर अगाडि बढ्न तत्पर रहेको अध्यक्ष वरालले भने । वडा नं १२ का वडा अध्यक्ष सन्तोष वाँस्तोलाले सहकारीमा ऋण लिएर कार्य गर्न सजिलो हुने वताए । कार्यक्रममा कोन सामुदायिक बचत तथा ऋण सहकारीका निर्वतमान अध्यक्ष तथा मानार्थ संरक्षक शरदकान्त सिग्देललाई प्रमाणपत्र र दोसल्ला ओढाएर सम्मान गरियो । उत्कृष्ट कर्मचारीमा विशाल कुमार श्रेष्ठ र सहकारीमा राम्रो कारोवार गर्ने चारजनालाई सोही कार्यक्रममा सम्मान गरिएको थियो । कोन सामुदायिक बचत तथा ऋण सहकारी संस्था लि.का अध्यक्ष तीर्थवहादुर बस्नेतको अध्यक्षतामा भएको कार्यक्रममा संचालक समितिका सचिव शान्तकुमार श्रेष्ठ, कोषाध्यक्ष जयप्रसाद सापकोटा, सहकारीका लेखा सुपरिवेक्षण समितिका संयोजक ज्ञानेन्द्र प्रसाद सिग्देल र सल्लाहकार नारायणप्रसाद पराजुली लगायत वोलेको कार्यक्रममा सहकारीका उपाध्यक्ष माधवप्रसाद सिग्देलले स्वागत, सचिव शान्तकुमार श्रेष्ठले संचालन, सदस्य शारदा पराजुली(सिग्देल)ले धन्यवाद गरेका थिइन । सो कार्यक्रममा सहकारी सात सिद्धान्त सहकारीका संचालक समितिका सदस्य खड्कवहादुर गुरुङ(खुशीमान)ले वाचन गरेका थिए ।