Pokharapatra National Daily

पोख्रेलीको सपना पुरा

पोख्रेली जनताको बहुप्रतिक्षित पोखरा अन्तर्राष्ट्रिय विमानस्थलको हजारौं जनताको उपस्थितिमा उद्घाटन भएको छ । पोखरामा अन्तर्राष्ट्रिय विमानस्थल बनाउने पाँच दशकअघिको सपना पूरा भएको छ । विमानस्थल उद्घाटन समारोहमा भाग लिन पोखरा महानगरपालिकाले कार्यालय र विद्यालय विदा दिएको थियोे । महानगरको अगुवाइमा अमरसिंह चौरमा भेला भएका पेसागत संघसंस्थाका प्रतिनिधि, पर्यटन व्यवसायी, कलाकार र सर्वसाधारण ब्यानर र झाँकीसहित विमानस्थल पुगेका थिए । प्रधानमन्त्री पुष्पकमल दाहालले मुलुकको तेस्रो अन्तर्राष्ट्रिय विमानस्थलको उद्घाटन गरेका थिए । २०७३ साल बैशाख १ गते तत्कालीन प्रधानमन्त्री केपी शर्मा ओलीले सबै पार्टीका शिर्ष नेताहरूको उपस्थितिमा शिलान्यास गरेका थिए ।
अंग्रेजी वर्ष २०२३ को १ जनवरी अर्थात् पुस १७ गतेदेखि सञ्चालनमा आएको छ । नागरिक उड्डयन प्राधिकरणको अनुमतिमा २३ फेब्रुअरीदेखि रात्रिकालीन उडान पनि हुने भएको छ । नयाँ विमानस्थल भौतिक पूर्वाधारले निकै राम्रो रहेको छ । विमानस्थलमा आईएफआर प्रविधि पनि जडान गरिएको छ । अब कम भिजिविलिटीमा पनि उडान भर्न सकिने छ । विमानस्थलमा यात्रुलाई टर्मिनल भवनबाट जहाजसम्म ल्याउन पु¥याउन हवाई कम्पनीले ¥याम्प बस राखेको छ । यात्रुजहाज र टर्मिनल भवन आउजाउ गर्न ¥याम्प बसको प्रयोग गर्नुपर्ने । नयाँ विमानस्थलमा अभ्यस्त हुन केही समय लाग्नेछ ।
पोखरामा अन्तर्राष्ट्रिय विमानस्थल बनाउनुपर्छ भनेर आन्दोलन गर्ने नागरिक संघ संस्था, राजनीति दलहरू र जनसमुदायको उपस्थितिमा शिलान्यास भएको थियोे । उद्घाटनमा पोख्रेली जनताको व्यापक सहभागिताले जनचासो कति रहेछ भन्ने छर्लङ्ग भएको छ । उद्घाटन समारोहमा हेलिकोप्टरबाट पुष्पवृष्टि गर्नुका साथै हट एयर बेलुन उडाइएको थियो । पोखरामा अन्तर्राष्ट्रिय विमानस्थलको परिकल्पना गर्ने तत्कालीन अंचलाधिस शंकर राज पाठकलाई रथारोहण सहित सम्मान गरिएको थियो । राष्ट्रिय गौरवको आयोजना पोखरा र गौतम बुद्ध अन्तर्राष्ट्रिय विमानस्थल समयमै सम्पन्न भएका छन ।
विमानस्थल सञ्चालनमा आएसँगै पोखरा धेरै राष्ट्रसँग सोझो सम्पर्कमा पुगेको छ । ‘पोखरा विमानस्थलले कनेक्टिभिटीको क्षेत्रमा महत्त्वपूर्ण योगदान पु¥याउनेछ । यसले महानगर, कास्की र सिंगै राष्ट्रको आर्थिक विकासमा महत्त्वपूर्ण योगदान हुनेमा दुईमत छैन । नेपालजस्तो भूपरिवेष्टित देशमा कनेक्टिभिटीका थुप्रै माध्यम भए पनि आवश्यक र प्रभावकारी हवाई सेवा हो । चीनले नेपालसँगका नाका खोल्ने, रेलवे परियोजना सर्भेको प्रक्रियालगायत अन्य धेरै परियोजना अघि बढिरहेको र तिनलाई गति दिएर अरू धेरै ठूला परियोजना सम्पन्न गर्नुपर्ने खाँचो छ ।
अब विमानस्थललाई पूर्ण क्षमतामा सञ्चालन गरेर देखाउनुपर्ने चुनौती छ । सबै जनप्रतिनिधि र नागरिक समाजले पोखरा अन्तर्राष्ट्रिय विमानस्थल अधिकतम सदुपयोग र भरपूर सदुपयोगका लागि अन्तर्राष्ट्रिय उडान सुरक्षित गर्न प्रभावकारी पहलकदमी हुनुपर्छ । पोखरालाई पर्यटनको केन्द्र बनाउन अन्य पर्यटकीय सहरसँग पनि यसलाई जोड्नुपर्नेछ । विमानस्थललाई व्यस्त बनाउनुपर्नेछ।सफल सञ्चालनबाट पोखरामा बढ्दो हवाई यात्रुको चाप सम्बोधन हुने र पोखराबाट अन्तर्राष्ट्रिय उडानका लागि काठमाडौं पुग्नुपर्ने बाध्यता हट्नेछ ।

प्रतिकृया दिनुहोस्

सहकारीमा खबरदारी आवश्यक

नेपालमा २०१३ साल चैत २० गते चितवन जिल्लामा स्थापना भएको ‘बखान सहकारी’ संस्था नै पहिलो मानिन्छ । मुलुकमा स्थापना भएका मौजुदा करिब ३२ हजारको हाराहारीमा...

मेलमिलाप र सदभावको पर्व होली

बसन्त ऋतुको आगमनसँगै आपसी मेलमिलाप र सद्भावको पर्वको रुपमा फागु पुर्णिमालाई लिने गरिन्छ । फाल्गुण शुक्ल पूर्णिमाका दिन मनाइने फागु पर्व पहाडी जिल्लामा हर्षोल्लासका साथ...

आगलागी नियन्त्रणमा जोड देऊ

फाल्गुन चैत्र महिनामा आगलागीका कारण बर्सेनि मानवीय क्षतिका साथै अर्बौं रुपियाँको भौतिक संरचना एवं वनपैदावार नष्ट हुने गरेको छ । यस वर्ष पनि सुक्खा मौसम...

पोखरा पर्यटकीय शहर घोषणा

पोखरालाई नेपालको पर्यटकको राजधानी घोषणा गरिएको छ । गण्डकी प्रदेश सरकार र पोखरा महानगरपालिकाले संयुक्त आयोजनामा भएको एक समारोहमा प्रधानमन्त्री पुष्पकमल दाहाल प्रचण्डले पोखरालाई नेपालको...

अन्तर्राष्ट्रिय महिला दिवस

‘महिलामा लगानीः सभ्य र समुन्न समाजको थालनी’ लाई ११४औँ अन्तर्राष्ट्रिय महिला दिवस विश्वका महिलाले एकैसाथ मनाउँदै छन् । अन्तर्राष्ट्रिय महिला दिवस भन्दा उत्पीडित महिलाको आवाज...

भ्रष्टाचारको बेथिती

भ्रष्टाचार नियन्त्रण र सुशासन प्रवद्र्धनमा नेपालले अझै निकै संघर्ष गर्नुपर्ने देखिएको छ । तीनै तहका सरकारमा कार्यकारी भूमिकामा रहने राजनीतिज्ञ, कर्मचारी र आमनागरिकमा सुशासनप्रतिको दायित्वबोध...