फेवातालको किनारामै मापदण्ड विपरितका भौतिक संरचना निर्माण कार्य तिव्र पारिएका छन् ।
विभिन्न व्यवसाय तथा घर एवं भवन बनाउने उद्देश्यले केही व्यवसायीहरुले फेवातालको किनार छेउ २ मिटरदेखि ३० मिटिर भित्रै भौतिक संररचना निर्माण गर्न लागेको स्थानीयले बताउनुभयो । पोखराको सेदीमा २ वटा घर तथा भवन निर्माण कार्य हाल जारी रहेको छ भने पखौदीमा अर्को घर तथा टहरा निर्माण हुदैछ । पोखरा महानगरपालिकाको टोलीले उक्त घर तथा भवन एवं टहरा मापदण्ड विपरित निर्माण हुन लागेकोमा पटक पटक चेतावनी दिदै मजदुरका सामानहरु जफत समेत गर्दै आएको छ । पोखराको फेवातालमा मापदण्ड विपरितका भौतिक संरचना बनाउन लागेको दिन देखि आफुहरुको टोलीले निर्गानी गर्दै आउदा हटेरी गरी भौतिक संरचना निर्माण गरेको पोखरा महानगरपालिकाका नगर प्रहरी प्रमुख पुरुषोत्तम थापाले बताउनु भयो । मेयरको आदेश आएको खण्डमा उक्त भौतिक संरचनाहरु भत्काउन पनि आफुहरु पछि नपर्ने उहाँको भनाई थियो । पोखराको खपौदी क्षेत्रमा भवन तथा टहरा हाल निर्माण हुदै गरेको अबस्थामा नगर प्रहरीको टोली पुगेर केही सामान जफत गरेको छ । नगर प्रहरी बिष्णु भुजेल सहितको टोलीले अमृत पहारीले निर्माण गर्दैै गरेको भवन तथा टहराबाट जावेल, घन, कराई वेल्चा, गौची जफत गरेको छ । पोखराको सेतीमा वसन्त लिगर र दाहालले भवन बनाउदै हुनुहुन्छ । खपौदीमा फेवाताल किनारमै भवन तथा टहरा निर्माण गर्दै गर्नु भएको अमृत पहारीले आफ्नो रातो पूर्जा भएको जमिनमा टहरा बनाउन लागेको बताउनु भयो । पुरानो टहरा चुहीने भएकोले हाल मर्मत संहार गरेको बताउदै उहाँले फेवाताल किनारबाट ६५ मिटर छाड्नु पर्ने अबस्था सबैमा लागु भएको अबस्थामा भने छाड्न र भौतिक संरचना हटाउन तयार रहेको जनाउनुभयो ।
रामसारमा सुचिकृत भएको विश्वकै ऐतिहासिक तथा पर्यटकीय स्थल फेवातालमा हाल अनुमति विना सिंसार क्षेत्रमा माटो तथा ढुंगाले दलदल भाग पुरेसंगै भौतिक संरचना निर्माण कार्य रोकिएको छैन् । पोखरा महानगरले सिंसार र रामसार क्षेत्र तथा फेवातालको क्षेत्र कति हो त्यसको सिमाङकन गर्न नसक्दा फेवातालको माथिल्लो भाग पुर्ने काम भएको पोखराका केही व्यवसायको भनाई छ । बिषयमा पोखरा महानगरपालिका वडा नम्बर २३ का वडा अध्यक्ष रामकाजी श्रेष्ठले आफुहरुले दिउसो हेर्दा तालको सिंसार क्षेत्रमा खासै माटो पुर्ने काम नभएको तर रातारात माटो पुर्ने कार्य भईरहेको बताउनु भयो । आफुले महानगरलाई जानकारी गराए पनि प्रहरी प्रशासनले समेत खासै वास्ता नगरेको उहाँको भनाई छ । यस बिषयमा पोखरा महानगरपालिकाका प्रमुख प्रशासकिय अधिकृत शिवराज चौलागाईले मापदण्ड विपरित भौतिक संरचना निर्माण गर्ने उपर कार्वाही गर्ने चेतावनी दिनुभयो । फेवातालको क्षेत्रफल ५ दशमवल ७ सय २६ वर्ग किलोमिटर अर्थात ११ हजार २ सय ५५ रोपनी ११ आना १ पैसा भएको एक अध्ययनले देखाएको छ । फेवातालको चार किल्ला पूर्वमा ‘ड्यामसाइड, पश्चिममा मोरेबगर, उत्तरमा खपौंदी–चङ्खपुर बीचको दम्किलो र दक्षिणमा चिसापानी रानी वन’ कायम गर्ने, फेवातालको तल्लो तटीय क्षेत्र (ड्यामसाइड, रानीवन, गौरीघाट, लेकसाइड, गैराको चौतरा, सेदी, खपौंदी, लामीडाँडा, अनदु समेतको क्षेत्र) मा वर्षायामको अधिकतम पानीको किनारालाई तालको सीमाना मान्ने प्रतिवेदनमा उल्लेख छ ।
