पर्यटकीय नगरी पोखरामा पोखरा पर्यटन परिषदको आयोजनामा ४४ औं विश्व पर्यटन दिवस (२७ सेप्टेम्बर) को अवसरमा मिनी सडक महोत्सव हुने भएको छ ।
यही असोज १० गते (२७ सेप्टेम्बर) मा पोखराको लेकसाइडमा मिनि सडक महोत्सव सहितका विभिन्न कार्यक्रम हुने भएको आइतबार पोखरामा आयोजित पत्रकार भेटघाट कार्यक्रममा जानकारी गराइएको हो । रेवान पोखराको आयोजनामा वाराहीचोक देखी खहरे चोकसम्म बुधबार पर्यटन दिवसको दिनमा साँझ पाँच बजेदेखि मिनि सडक महोत्सबको आयोजना हुने भएको परिषदले जनाएको छ । महोत्सवमा नेपाल र भारतका विभिन्न साँस्कृतिक समेत प्रदर्शन गरिने भएको छ भने बाजागाजा, झाँकी सहितको र्याली प्रर्दशन गर्नुका साथै पर्यटकहरुलाई फुलमालाले स्वागत समेत गरीने भएको परिषदका अध्यक्ष पोमनारायण श्रेष्ठले बताउनुभयो । सडकमै खाउ, सडकमै रमाउ भन्ने उद्देश्यका साथ आयोजना हुने कार्यक्रमले आन्तरीक तथा वाहिय पर्यटनलाई पोखरा भित्रयाउन महत्वपूर्ण भूमिका खेल्ने आफुहरुले अपेक्षा गरेको अध्यक्ष श्रेष्ठले जनाउनुभयो । कोभिड १९ बाट प्रभावित भएकोे पर्यटन क्षेत्रलाई थप टेवा पुर्याउने उद्धेश्यले पर्यटन दिवसको अवसरमा एक दिने पदयात्रा, बृक्षारोपण, रंक्तदान कार्यक्रम, भारतका टुर अपरेटर र संचारकर्मीको साथमा नेपाली टुर अपरेटर तथा पत्रकारहरु बिच अन्तरक्रिया लगायतका कार्यक्रम हुने भएको उहाँले बताउनु भयो । असोज १० गते बुधवार गण्डकी प्रदेश सरकार, उद्योग पर्यटन, बन तथा वातावरण मन्त्रालय, पोखरा महानगरपालिका र नेपाल पर्यटन बोर्डको प्रबंद्र्धन तथा पोखरा पर्यटन परिषद्को आयोजनामा ४४ औं विश्व पर्यटन दिवस “टुरिजम एण्ड ग्रिन डेभलपमेन्ट” भन्ने मुल नाराका साथ मनाउन लागिएको अध्यक्ष श्रेष्ठले बताउनु भयो । पर्यटन दिवसकै दिनमा नाट्टा गण्डकीको आयोजनामा पोखरा पर्यटन बसपार्कमा वृक्षारोपण तथा रक्तदान कार्यक्रम हुने भएको छ भने पोखरा स्थित पर्यटकीय संघ संस्थाहरुले पोखरा अन्तराष्ट्रिय विमानस्थल तथा पोखरा पर्यटन वसपार्कमा पहिलो आउने पर्यटकलाई स्वागत सम्मान समेत गरिने भएको परिषदका सचिव हरि भुजेलले बताउनु भयो । पर्यटन दिवसको पूर्व सन्ध्यामा असोज ९ गते टान गण्डकीको आयोजनामा व्यवसायीहरु, पर्यटकहरु र पत्रकारहरु सहितको टोली मार्गी देखि पुम्दीकोट सम्मको एकदिने पदयात्रा कार्यक्रम आयोजना हुने भएको परिषदका बरिष्ठ उपाध्यक्ष कृष्ण भण्डारीले बताउनुभयो ।
विश्व पर्यटन दिवस २०२३ को गण्डकी प्रदेश सरकारका मुख्यमन्त्री सुरेन्द्रराज पाण्डेले उद्घाटन गर्ने कार्यतालिका तय भएको परिषदले जनाएको छ । उक्त कार्यक्रममा नेपालका लागी भारतिय राजदुत नविन श्रीवास्तवको सहभागि हुने भएको अध्यक्ष श्रेष्ठले बताउनुभयो ।
विश्व पर्यटन दिवसको अवसरमा छिमेकी मित्रराष्ट्र भारतवाट भारतीय टुर्र अपरेटर र भारतिय मिडियार्कीहरु समेत पोखरा आउने भएका छन् । भारतबाट आउनु भएका टुर अपरेटर, मिडियाकर्मी र नेपाली मिडियाकर्मी, टुर अपरेटरबीच अन्तरक्रिया समेत हुने भएको हो । गण्डकी प्रदेशको उद्योग पर्यटन, बन तथा वातावरण मन्त्रालयका सचिव कुमानसिंह गुरुङले प्रदेश सरकारले समग्र प्रदेशको पर्यटन प्रबद्र्धनमा लगानी गर्दै आएको बताउनुभयो । प्रदेशका ११ जिल्लाका पर्यटकीय गन्तव्यहरुको डिपिआर सहित आईईई गरेर यस बर्ष ६ वटा गन्तव्यमा बजेट समेत विनियोजन भएको उहाँले बताउनुभयो । कार्यक्रममा पत्रकारले पोखराको लेकसाइड मात्र केन्द्रित हुने गरी पर्यटकीय गतिविधि नगर्न सुझाव दिनु भएको थियो ।
