पोखरा महानगरपालिका वडा नंं १७ विरौटामा रहेको निलगिरी बचत तथा ऋण सहकारी संस्था लि.को २१ औं बार्षिक साधारण सभाले लेखनाथ बरालको अध्यक्षतामा नयाँ संचालक समिति चयन गरेको छ ।
समितिको उपाध्यक्षमा गंगाधर पौडेल, सचिवमा तिर्थराज आचार्य, सह–सचिवमा कृष्णमुरारी आचार्य (बनमाली), कोषाध्यक्षमा पबित्रमणी पोख्रेल, सदस्यहरुमा माधवप्रसाद बराल, रामचन्द्र पोख्रेल, बिजया कोईराला बराल र डिल्लिराम पराजुली चुनिएका छन् । साथै लेखा समिति संयोजकमा कृष्णप्रसाद पौडेल र सदस्यहरुमा कृष्णप्रसाद भण्डारी र राजेन्द्र भण्डारी चुनिएका छन् भने शिक्षा उपसमितिमा भुवनराज वराल र मेनका पौडेल चयन भएका छन् । सामाजिक दुरी कायम गर्दै आयोजित सभामा अध्यक्ष रबिन्द्रप्रसाद श्रेष्ठ, निवर्तमान अध्यक्ष कालिदास पौंडेल, संस्थापक अध्यक्ष ज्ञानेन्द्रराज पौडेल र निर्वाचन समितिका यामप्रसाद शर्मा पौडेल बोल्नुभएको थियो ।
कार्यक्रममा अध्यक्ष रबिन्द्रप्रसाद श्रेष्ठले वार्षिक प्रतिवेदन, लेखा समिति संयोजक कृष्णप्रसाद पौडेलले लेखा समितिको प्रतिवेदन, कोषाध्यक्ष गंगाधर पौडेलले आर्थिकको प्रतिवेदन प्रस्तुत गरेका थिए । संस्थाका अध्यक्ष रबिन्द्रप्रसाद श्रेष्ठको अध्यक्षतामा भएको कार्यक्रममा उपाध्यक्ष लेखनाथ बरालले स्वागत तथा सचिव रबिप्रसाद बरालले कार्यक्रम संचालन गरेका थिए ।