कान्तिपुर इन्ष्टिच्यूट अफ हेल्थ साईन्सेस् तथा कान्तिपुर दन्त अस्पतालद्धारा बिहीबार विश्व मुख स्वास्थ्य दिवसको अवसरमा मुख स्वास्थ्यको जनचेतना मुलक कार्यक्रमको आयोजना गरेको छ ।
मार्च २०, ‘स्वस्थ मुखः सकारात्मक सोच’ भन्ने नाराका साथ विश्वभर मुख स्वास्थ्य दिवस २०२५ मनाइँदैछ । यसैनारालाई आत्मासाथ गर्दै कान्तिपुर इन्ष्टिच्यूट अफ हेल्थ साईन्सेसले जनचेतनामुलक रयालीको आयोजना गरेको हो ।
उक्त कार्यक्रममा इन्ष्टिच्यूट मा अध्ययनरत विद्यार्थीहरुलाई लिएर पोखरा महानगरपालिका वडा नं. ८ न्यूरोडबाट रयाली सुरु गरी सभागृह, पृथ्वीचोक हुँदै महेन्द्रपुल, चिप्लेढुंगा हुँदै पुनः अस्पतालको प्रांगणमा आई रयाली सम्पन्न भएको थियो ।
उक्त रयालीमा विद्यार्थीहरुले मुख स्वास्थ्यको महत्वबारे नारा लगाउदै समाजमा जनचेतना जगाउने कार्यमा अघि बढेका थिए । मुख तथा दन्त स्वास्थ्यको महत्वलाई दर्शाउदै समाजका सबै व्यक्तिलाई लक्षित गर्दै जनचेतनामुलक कार्यक्रमको आयोजना गरिएको इन्ष्टिच्यूटले जनाएको छ । इन्ष्टिच्यूटमा अध्ययनरत विद्यार्थीले प्रत्येक वर्ष विश्व मुख स्वास्थ्य दिवस को अवसरमा स्वास्थ्य सम्बन्धी सचेतनामुलक कार्यक्रम गरी मनाउने गरेको छ ।